ଅବସର କାଳୀନ ସମ୍ବର୍ଦ୍ଧନା ସଭା

ଜଗନ୍ନାଥ ପ୍ରସାଦ(ନୂଆ ସକାଳ): ୩୧.୦୭.୨୦୨୬: ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ ଅନ୍ତର୍ଗତ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଅବସର କାଳୀନ ସମ୍ବର୍ଦ୍ଧନା ସଭା ଅଧ୍ୟକ୍ଷ ନୃସିଂହ ଚରଣ ପ୍ରଧାନଙ୍କ ସଭାପତତ୍ବରେ ଅନୁଷ୍ଠିତ ହୋଇଯାଇଛି । ଉକ୍ତ ଦିନ ବିଦ୍ୟାଳୟର ତର୍କଶାସ୍ତ୍ର ବିଭାଗର ବରିଷ୍ଠ ପ୍ରାଧ୍ୟାପିକା ଶ୍ରୀମତୀ ଆରତୀ ମହାପାତ୍ର, ଓଡ଼ିଆ ବିଭାଗୀୟ ମୁଖ୍ୟ ଅଧ୍ୟାପକ ଶ୍ରୀଯୁକ୍ତ ସୁନୀଲ କୁମାର ମୁନି ଓ ଭଣ୍ଡାର ଗୃହ ରକ୍ଷକ ଶ୍ରୀଯୁକ୍ତ ଶ୍ୟାମଘନ ପ୍ରଧାନ ନିଜ ସେବା କାର୍ଯ୍ୟରୁ ଅବସର ଗ୍ରହଣ କରିଛନ୍ତି ।

ପ୍ରଥମେ କଳା, ବିଜ୍ଞାନ ଓ ବାଣିଜ୍ୟ ବିଭାଗର ଛାତ୍ରଛାତ୍ରୀ ମାନେ ଅବସର ଗ୍ରହଣ କରୁଥବା ବ୍ୟକ୍ତି ମାନଙ୍କୁ ସମ୍ମାନିତ କରିଥିଲେ । ପରବର୍ତ୍ତୀ ସମୟରେ କର୍ମଚାରି ପରିଷଦ ତରଫରୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମକୁ କର୍ମଚାରି ପରିଷଦ ସମ୍ପାଦକ ଅଧ୍ୟାପକ ରାଧାମାଧବ ପ୍ରଧାନ ପରିଚାଳନା କରିଥିଲେ । ଅତିଥି ଭାବେ ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ କଲେଜ ପଦାର୍ଥ ବିଜ୍ଞାନର ବରିଷ୍ଠ ପ୍ରାଧ୍ୟାପକ ଶ୍ରୀଯୁକ୍ତ ପ୍ରଶାନ୍ତ ରଥ, ପୂର୍ବରୁ ଅବସର ନେଇଥିବା ପ୍ରାଧ୍ୟାପକ ଶ୍ରୀଯୁକ୍ତ ମିହିର କୁମାର ଶତପଥି ଓ ଅଧ୍ୟାପକ ଶ୍ରୀଯୁକ୍ତ ସୁନିର କାନ୍ତ ମିଶ୍ର ଯୋଗ ଦେଇ ନିଜର ବହୁ ମୂଲ୍ୟ ବକ୍ତବ୍ୟ ପ୍ରଦାନ କରିଥିଲେ ।

ଅଧ୍ୟାପକ ହାଡ଼ୁବନ୍ଧୁ ପ୍ରଧାନ, ରଞ୍ଜନ କୁମାର ପ୍ରଧାନ, ଅଶ୍ୱିନୀ କୁମାର ପରମଗୁରୁ, ଜଗନ୍ନାଥ ସାହୁ, ଶୁଭମ୍ ମହାନ୍ତି, ଅଧ୍ୟାପିକା ନିବେଦିତା ସାହୁ, ଆସ୍ମା ନନ୍ଦ, ଡେମୋନଷ୍ଟେଟର ଏ ରାମମୂର୍ତ୍ତି ଦୋରା, ଶଙ୍କର୍ଷଣ ପାତ୍ର, ସୁଶାନ୍ତ ପାତ୍ର, ଗ୍ରନ୍ଥାଗାରିକ ନକୁଳ ପାତ୍ର, ମୁଖ୍ୟ କିରାଣୀ ମଦନ ମାଝୀ ଓ କଲେଜର ସମସ୍ତ କର୍ମଚାରି ଉପସ୍ଥିତ ରହି ବିଦାୟୀ କର୍ମଚାରୀଙ୍କ ଅତୀତ ଓ ବର୍ତ୍ତମାନର ସ୍ମୃତିକୁ ମନେ ପକାଇ ନିଜର ବକ୍ତବ୍ୟ ପ୍ରକାଶ କରିଥିଲେ ।

ଡି.ଇ.ଓ ସରୋଜ କୁମାର ନାୟକ ସମେତ କଲେଜ୍ କର୍ମଚାରୀ ରବୀନ୍ଦ୍ର ପ୍ରଧାନ, ବନବାସୀ ପ୍ରଧାନ, ସନ୍ତୋଷ କୁମାର ପଟ୍ଟନାୟକ, ମନ୍ମଥ କୁମାର ମହାନ୍ତ, ସୀମାଞ୍ଚଳ ମହାନ୍ତି, ଧୋବା ପ୍ରଧାନ, ଭବାନି ଶଙ୍କର ମାଝୀ, ସନ୍ତୋଷ ନାଇକ ଓ ପୁରାତନ ଛାତ୍ର ପ୍ରତାପ କୁମାର ଦାଶ, ବିଭୂତି ଭୂଷଣ ନାୟକ, ସ୍ୱେଚ୍ଛାସେବୀ ଚନ୍ଦ୍ରକାନ୍ତ ଷଡଙ୍ଗୀ ପ୍ରମୁଖ ସହଯୋଗ କରିଥିଲେ ।